Wo kehti hai suno janan mohabbat maum ka ghar hai
Tapish ye bad ghumani ki kaheen pighla na de isko
Mai kehta hon k jiss dil mai zara bhi bad ghumani ho
Wahan kuch aur ho to ho mohabbat ho nahi sakti
Wo kehti hai, sada aisey hi kya tum mujhko chahogey
K mai iss mai kami bilkul gawara kar nahi sakti
Mai kehta hon, mohabbat kya hai ye tumne sikhaya hai
Mujhe tumsey mohabbat k siwa kuch bhi nahi aata
Wo kehti hai judai se boht darta hai dill mera
K tumko khud se hat kar daikhna mumkin nahi hai ab
Mai kehta hon yahi khadshey boht mujhko satatey hain
Magar sach hai mohabat mai judai sath chalti hai
Wo kehti hai batao kya merey bin jee sakogay tum
Meri batain meri yadain, meri ankhain bhula do gay
Mai kehta hon kabhi is baat par socha nahi mainey
Agar ik pal ko bhi sochon tau sansain rukne lagti hain
Wo kehti hai tumhe mujhse mohabat iss qadar kyun hai
K mai ik aam si larki tumhe kyun khas lagti hon
Mai kehta hon kabhi khudko
Meri aankhon se dekho to tum khud he jan jaoge
No comments:
Post a Comment